整天都被老細責怪：「只係寫一隻都要咁夜先交得！」
我9.30am做一單，但那起案件要下午才有裁決，而下午我又有另有工作，於是我照原定計劃，2.30pm去某機構做訪問，完成時都差不多4.00pm，然後搭車回公司。
返到公司，又說：「xxx那隻現在是你的了，你執返啦。」於是我要等原來負責同事駁料給我，又要將上午的的駁給下午負責案件裁決的同事。當我有齊所有的資料可以動筆的時候，已經接近7pm，我下午做的訪問稿還未有時間整理。
「只不過寫一隻之嘛！」老細又嚷，怪我和其他同事有無搞錯。
我寫的其實是涉及「兩單野」。你要將他塞成一隻是你的商業／編輯決定。我本來的準備工作不會減少的。
最氣頂的是關於2.30pm訪問的部份。生氣的原因跟機構本身無關。
「你一定一定要要求『即日出』，唔好理其他行家想幾時出。」我說明某機構約了傳媒做細圍故，一直有規矩是刊登日期是透過共識決定的，而通常的共識就是下個星期一。我當然會代公司爭取，不過，講定先（費事你話我唔預早警告你，令你有排版危機），如果主流意見係星期一至出，咁點先？
「你唔好理佢地幾時出，你照即日出。」咁都得？「你唔好理，我當然知道某機構是怎樣運作的。你叫那個機構打俾我同我講啦！」
結果我要動用「面子儲備」，訪問前後遊說其他行家同意提早刊登時間。我感覺到當中有人不太情願，有人說明，其實自已的公司也有立場，希望儲稿。也有行家一早預了這隻不是即日見報，回到公司還有其他稿要跟。幸好他們最後也同意。
但最氣人的是今天，有關訪問的內容「一隻字也沒有」。其他傳媒卻有一定的篇幅。豈有此理。我真有枉作小人的感覺。好嬲呀！
3 comments:
你老細似乎太霸道了, 但又啃唔落, 又要夾哽啃, 實在貪心了, 真替你不值啊~
即係寫左最後冇出？真係慶過火屎WOR ! 之前仲要咁橫蠻!!
ka wah:
就係嘛，生人霸死地！
根本個訪問同要寫那隻故仔主題只有很簡接的關係，應該分稿寫，或者當sidebar寫。星期一出咪重要。成日都話星期日無daily故仔。我講過但係無人肯聽，老細又堅持一條稿過出，而最後又無出到，所以激到我死。
ss_ter:
對，最後一粒字都無出。之前又要咁野蠻。大佬呀，你唔使出去嚟行，我要！本身幫公司爭取唔緊要，但係個故仔係某機構叫行家去做，講定要「夾時間」，又唔係我約先再有行家跟，邊有權叫人一定要聽我講先？
枉我要猛賣人情遊說每一個行家。有個講到明本來佢老細預定星期一至出，又有個表面無嘢，其實就黑晒面，去到最後先不置可否咁話好啦。
至於某機構本身，我相信佢地其實都想星期一出，因為佢地一直覺得星期一會比星期六多人睇報紙。不過佢見我好辛苦咁逐個講，都無俾過壓力我。
diana
Post a Comment