起底

見到nikita媽媽同其他網友都突然玩「起底」，等我呢個因為雷暴而被迫濟留在家嘅都嚟晒晒冷先。

１）你第一次偷／借母親或姊姊的化妝品來玩是幾歲？

唔記得啦，不過記得係玩唇膏。

２）第一次正式化妝？

如果大學期間朋友結婚幫手做姊妹，由化妝師化那次不算的話，應是大學畢業典禮那天，在M.A.C.那裡找櫃台化妝姐姐請槍，順便買番盒兩用粉同埋眉粉。

有兩件事我印象深刻。一，當晚黃昏時接到x報的電話話請我，二，那盒眉粉我用到前年（！）才捨得丟。各位放心，那是例外例子。

３）每天化妝需時？

呢條算唔算刺探國民機密？

上班前，就五至十分鐘啦。遮瑕膏遮黑眼圈、makeup base（或防曬霜）、碎粉（optional）、眉粉同眉gel、睫毛液（optional）、唇膏。時間長短視乎當日會不會趕時間省工序，或將部份工序留在搭車時做。

跑步嘛，即使是朝早六點跑，我都堅持用遮瑕膏同夾曉眼睫毛。（明明我是四眼族，仲要戴全視線鏡，點解仲有呢種堅持？）

４）有沒有天天拔雜眉的習慣？

每天早晚擦牙前必修科。

５）如果只可以用一件化妝品，會用甚麼？

bobbi brown的瑕遮膏creamy concealer+sheer finish loose powder pack。已經用了第n盒。